Przedwakacyjne info

W związku ze bliżającymi sie wakacjami, żech Was chcioł jednak poinformować o kilku sprawach, ale też pożyczyć udanych wakacji. Myślym, że na ostatnim spotkaniu naszego SAJu my tyntu rok akademicki zakóńczyli, jak se patrzi po SAJowsku:)Z tego miyjsca, żech chcioł podziynkować wszeckim, kierzi pumógli tymu, aby nasz SAJ móg w tym roku dobrze fungować. Dziynkujym też wszeckim, kierzi zechcieli na spotkania i imprezy prziść.

W pierwszym rzędzie móm na Was wielkóm prośbe: kiery mo jaksich znómych, kierzi sie wybierajóm na studia do Olomouca, poszlicie mi pyty jejich adresy mailowe na mój adres (krzysztof.k@seznam.cz), aby my ich mógli na poczóntku zimowego semestru zkontaktować i zaprosić na akcje.

Dalsze info dotyczy Kartouzki (czyli akcyjki na czystym powietrzu), kieróm my z powodu egzaminów przeniyśli na wrzesiyń. Tyn termin asi beje odpowiadać wiynkszości, bo we wrześniu jeszcze nie beje tela roboty. Jak sie to sprawdzi, niechómy Kartouzke uż zawsze we wrześniu. Bliższe informacje o Kartouzce zostanóm podane na piyrszym spotkaniu naszego SAJu po wakacjach, tzn. piyrszy albo drugi tydziyń szkoły.

Inaczyj, jak by eszcze kiery mioł jaksi fotki ze spotkań albo akcji sajowskich, poszlijcie jich Pawłowi, aż jich może rypnyć na web.

Pozdrawióm, Krzysztof